أبوذیّات مکبّرات
لفانه إلعوز وحنه إصغار وکبار
إبتلینه إو صحنه حیل أللّه وکبار
إلیذب إهمومه فوگ إعضاه وکبار
إو یظل مذموم دنیا إو أاخریّه
...
عله إلغیّاب أحس روحی ترادت
إو عینی إمن إلبچی إعلیهم ترادت
أفز ملچوم من نومی ترادت
و أحس ملظوم بشباچ إلمنیّه
...
وحق إلمصطفی إو بنته ولحسان
إلعصمه بس لهل بیته ولحسان
ألکرم من إلحسن نابع ولحسان
علی إلعادل أمیر أهل إلبریّه
...
عمر خلّصته بإلوسفه کلبهام
و أمص إبچبدی من ضیجی کلبهام
أحبابی إلّی علی وزّوا کلبهام
إو وراه متحشده إضباع إلخفیّه
...
إلمحبس بیدی خبّیته ولکبات
إبحبل وصلی إلک جرّه ولکبات
و إلک بإلگلب چم حسره ولکبات
إتدلل و إلعب إتمزهد علیّه
...
إبو إرویشد إستسبع علی ویرن
یناطحنی إو یکشخل یطگ ویرن
چوانینه ألهبن بحشای ویرن
صبرت إو صارت إلسکته بلیّه
...
إلبایع ذاته هب و إلتهب مارد
إو یرک بإلگلب حامل حقد مارد
إلیضدنی إلمنتچی إعله إبلیس مارد
قوی إمن أسیاده و إیدگ ثایه إلیّه
...
إگلّب بإلمأسی إو شفت ملفاک
إشتهیتک بس کتلنی إلخجل ملفاک
یدهری عذّبتنی إبتعد ملفاک
أریدن عطوه ضاگ إلوکت بیّه
...
وطنّه أنت سندنه ونتهمنه
إلبحر و إلهور و إلشط ونتهمنه
إببلدنه إتعذّبینه ونتهمنه
یجی إلضمّان و یغیر إلثنیّه
...
إلدهر نهران بضنونی کراهه
إو رگبتی إبلا ذنب طگهه کراهه
یعر بذنابه ویزوّد کراهه
إو خبص و إیوزوز إلجاهل لخیّه
...
إویه ناسی روحی متحمله ولمهه
إبتلت بحبابهه إو عزهه ولمهه
إلغبی سالمته جر إیده ولمهه
یدور إلبطل متعافی علیّه
...
إلوکت دگّانی هبّشنی بیاون
إو طحت و إعضای ترکتنی بیاون
إلخنسه إو بیش سبگتنی بیاون
عمر خلّصته نوح إو هم و أذیّه
...
ألوم إو کثرت أحزانی بلومای
إو غرگت إو من سمع صوتی بلومای
إعله ظهری إهموم شایلهن بلومای
نشف و إلگحط تابعنه إبردیّه
...
إلیداری إبن إمّه إله هیبه وجربه
مریض إو أمسح إدموعه وجربه
بعد ما طاب أخذ سیفه وجربه
مع أعدای إنطبگ من هد علیّه
...
وحق إلحید إبو إلیمّه وداره
إلحضرته إو گلبی ما هوّد وداره
هذوله إلأهدوا إلخاتم و داره
إبزفاف إلفاطمه إلزهراء إلزچیّه
...
إحتفل گلبی لبس ثوبه وعدبیه
تمرحب ذهب لحبابه وعدبیه
بصم بإیده إبأثر دمّه وعدبیه
یظل زمزیر إلا یوم إلمنیّه
...
أذکر إلّابد إبحجره و ناسه
شهید إلیوگف إبحدّه وناسه
إلحمل بس أهله إتشیله وناسه
یضحّون إلنفس لجل إلهویّه
...
إلثقافه علم و إیبیّن شکلهه
إلفگد تأثیرها إبلمضه شکلهه
إلزبده إنخضّت إبشکوه شکلهه
إلعمیل إلّی کلاهه إو عم علیّه
...
إلأکل مال إلیتیم إو عبد وصله
إبجهنّم فار بإلدولاب وصله
إبإیده إو جسم گلبه بألف وصله
إنحرم من دینه و أهله إو کشف زیّه
...
فرح بدیار أهلنه ونتمنّه
إلکحیل إلحن بأصلنه ونتمنّه
إذا تحسبنه منّک ونتمنّه
إبتعد من کل غبی إو خاین خویّه
...
جاسم ثعلبی إلحسّانی 28/01/1401
:: برچسب‌ها:
أبوذیّات مکبّرات ,
:: بازدید از این مطلب : 578
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
